Зохар е збирка на коментари на Тората, наменета за водење на луѓето кои веќе имаат достигнато висок духовен степен на коренот (потеклото) на нивните души.

Зохар ги содржи сите духовни состојби кои луѓето ги искусиле при процесот на развитокот на нивните души. На крајот од процесот, душите го досегнуваат тоа што Кабалистите го нарекуваат "крај на исправката", највисоко ниво на духовната целина.

Оние кои немаат духовно достигнување, Зохар го читаат како збирка алегории и легенди кои можат да се толкуваат и различно се третирани од страна на секоја индивидуа. Но, за оние со духовно достигнување, односно за Кабалистите, Зохар е практичен водач за внатрешните акции кои ги изведуваат, со цел да откријат подлабоки, повисоки состојби на согледување, и сензација.

Пријави се за бесплатен кабала курс кај Бнеј Барух -Институт за образование

Зохар  содржи описи на Рабинот Шимон Бар Јохаи (Рашби), кој ги оствараил сите 125 степени на духовното скалило. Рашби го изразил севкупниот духовен пат и го нарекол Зохар - "Сјај “ (блесок)  на хебрејски.

Пред да се студира Зохар, треба да се учат други текстови кои подучуваат како правилно да се разбере текстот во Зохар.

Според сите кабалисти,како што на почетокот на самата книга пишува, Зохар бил напишан од Рабинот Шимон Бар Јохаи (Рашби), кој живеел во ^2-ри и ^3-ти век од христијанската ера. Постојат мислења во образовните кругови кои изјавуваат, дека Зохар бил напишан во ^11-тиот век од страна на Кабалистот Рабин Моше де Леон. Ова мислење беше противречено од самиот Рабин Моше де Леон кој рекол, дека книгата ја напишал Рашби.

Во кабалистичкиот пристап, на прашањето зошто Зохар бил напишан, е далеку поважно од прашањето за тоа кој всушност го напишал. Целта на Зохар е да биде водич, за да луѓето го досегнат потеклото на нивните души.

Овој пат до потеклото на душата се состои од 125 чекори. Раби Јехуда Ашлаг пишува, дека кабалист кој ги поминал овие фази, и дели исти согледувања како оние на авторот на книгата, смета дека нејзин автор не може да биде никој друг освен Рашби.

Зохар бил чуван скришно 900 години, помеѓу вториот и 11тиот век н.е., бидејќи оние кои ја поседуваа неговата мудрост знаеле дека во тоа време на луѓето не им е потрбно тоа, и ќе се разбере погрешно неговата содржина.

Во 16тиот век од н.е. се појавил кабалист кој ги објасни основите на кабалата - Светиот Ари, Рабинот Исак Луриа (1534-1572). Ари изјавил, дека од негово време наваму, мудроста кабала е подготвена да биде отворена за секого.

Коментарите на Ариевите дела  и на Зохар се појавиле во 20тиот век, кога е виден најжестокиот излив на човековите желби во историјата. Во текот на овој период, се појавува уникатната  душа  на Раби Јехуда Ашлаг (Баал ХаСулам). Баал ХаСулам ја објаснува мудроста кабала, на начин разбирлив за  нашата генерација. Покрај тоа, Баал ХаСулам бил единствениот кабалист на 20тиот век, кој пишувал коментари на Зохар и на Ариевите дела.

Ова не значи дека не постоеле големи кабалисти пред него, туку само дека нивните дела не се лесно разбирливи за современите ученици. Денес популарноста и големата побарувачка за кабала, сведочи за подготвеноста на нашата генерација да ја впие нејзината универзална порака, и да ги разбере автентичните текстови кои зборуваат за коренот на нашите животи и како тоа да се постигне.

Дури и денес, Зохар не може да се сфати и почувствува непосредно, туку бара подготовка на духовноста, пред да се пристапи на книгата. Најголемиот кабалист на нашето време - Раби Јехуда Ашлаг (Баал ХаСулам),напишал “Вовед на Зохар“, за прецизно да води кон подготовка, кон оваа длабока книга, пред да се студира.

Ваквите написи се занимаваат со духовните  квалитети за согледување на Вишата реалност. Покрај тоа, овие текстови ни даваат знаење за тоа, како да им пријдеме на некои термини, фрази, и концепти во Зохар, да се зголеми неговото користење како водач за духовно остварување, избегнувајќи изгубеност во материјализирани претстави, бидејќи човечкиот ум е наклонет кон давање облик.

Бнеи Барух не само што ни ги овозможува овие воведи, туку со бесплатни лекции за нив, како и со пократки статии кои ги опишуваат концептите на Зохарот, не упатува како да се подготвиме за средба со овие концепти.

Откривањето на Зохар значи, откривање на вашиот внатрешен свет и вашиот неограничен потенцијал. Бнеи Барух ви посакува успех во вашиот  духовен напредок!

Разоткривање на книгата “Зохар“
Неделни лекции со коментари и одговори од Др.Михаел Лајтман за книгата Зохар

Студии за вовед во Зохар
Бесплатни Кабалистички автентични текстови и видео лекции за воведување во Зохар